Skráning og greiðsla æfingagjalda

Skráningar og greiðsla æfingagjalda eru nú í fullum gangi og eru forráðamenn minntir á að nýta sér niðurgreiðsluna frá Hafnarfjarðarbæ. Það skiptir því miklu máli að skrá iðkendur sem fyrst til að fá fulla niðurgreiðslu. Eins og er, er enn opið fyrir niðurgreiðsluna í september og því um að gera fyrir þá sem enn eiga eftir að ganga frá skráningu og æfingagjöldum, að ganga frá því strax. Um mánaðarmótin sept/okt dettur niðurgreiðsla fyrir september út. Eftir það, gildir niðurgreiðslan frá þeim degi sem er skráð.

Ef það er eitthvað óljóst í þessu, þá endilega hafið samband við Bryndísi í síma: 525-8702 eða á netfangið: [e-mail] 

Andlitsmálun fyrir leik Íslands og Sviss Á MORGUN - ´01 árgerð athugið

Undanfarið höfum við í 4.flokki verið að mála krakka fyrir landsleiki á Laugardalsvelli. KSÍ greiðir okkur 30 þúsund krónur fyrir þetta. Við eigum núna þrjú skipti eftir og ætlum að bjóða stelpum sem fæddar eru 2001 að taka þessa síðustu þrjá leiki. Við þurfum að fá a.m.k. 10 stelpur í verkefnið. Næsti leikur er hjá landsliði kvenna á morgun, fimmtudag, gegn Sviss. Leikurinn byrjar kl. 18:30 svo þið þurfið að vera mættar í síðasta lagi kl. 17:45 á Laugardalsvöll. Þið þurfið að mæta með foreldri með ykkur. Fyrirvarinn er stuttur svo þið þurfið að hafa hraðar hendur og skrá ykkur í síðasta lagi í kvöld. Ef ekki fást nógu margar úr ´01 árgangi fær ´00 árgangur að slást í hópinn og þá setjum við það hér inn. Koma svo, skrá sig hér á blogginu!

 

Glærur og annað efni af fundinum í gær

Komið þið sæl og takk fyrir fundinn í gær.  

Hér í viðhengi eru glærur af fundinum (þar eru m.a. upplýsingar um ferðir á vegum ÍT ferða og Vita) og einnig skoðanakönnun vegna fyrirhugaðrar utanlandsferðar. Þeir sem ekki voru á fundinum eru beðnir um að prenta hana út og skila útfylltri á mánudaginn (30.9.).

Kær kveðja,

Helga og Andrés.  

Skrár tengdar þessari bloggfærslu:

• sko_anakonnun_me_al_forra_amanna_stulkna_i_3.docx
• foreldrafundur_sept_2013.pptx

MUNA FUNDINN Í KVÖLD

Minnum á foreldrafund 3. og 4.fl. í kvöld kl. 20:00 :)

Uppskeruhátíð og foreldrafundur - mikilvægt

Uppskeruhátíðin okkar verður með breyttu sniði í ár. Yngstu flokkarnir (7 manna bolti) hafa hefðbundna uppskeruhátíð, þar sem allir fá verðlaunapening, á sunnudaginn kl. 13:00 (þær sem voru í 5.flokki í sumar mæta á þá uppskeruhátíð). Eldri flokkar halda aftur á móti hver sína hátíð. Ákveðið hefur verið að uppskeruhátíðin okkar (þeirra sem voru í 4.flokki í sumar) verði þann 11.10. og er planið að hafa gistigleði (sem er tilraun til að íslenska enska orðasambandið ,,sleep over") á Ásvöllum. Nánari útfærsla liggur ekki fyrir en þið fréttið það fyrstar þegar þetta verður klárt. Takið daginn frá! 

Foreldrafundur verður haldinn á Ásvöllum á mánudaginn kl. 20:00. Þjálfarar munu kynna sig og fara yfir þjálfunaráherslur vetrar, rætt verður um fjáraflanir og hugsanlega utanlandsferð flokksins næsta sumar. Auðvitað reynum við svo að krækja í fleiri í foreldrastjórnina ;)

Vonumst til að sjá sem allra flesta.

Kveðja,

Helga, Andrés og foreldrastjórnin.   

Flokkaskipti - æfingar hefjast mánudag

Sælar allar. 

Nú fara stelpur fæddar '99 í 3.flokk og stelpur fæddar ´01 ganga upp í 4.flokk. Æfing hjá báðum flokkum (3. og 4.) á morgun, mánudag, kl. 17:00.

Sjáumst hressar,

þjálfarar.  

Vikan 9.9.-13.9.

Vikan verður svona:

Mánudagur: Æfing kl. 17:00 - 18:00

Þriðjudagur: Fjáröflun á Laugardalsvelli (skráning í færslunni hér á undan), mæting 18:00

Miðvikudagur:  

Á miðvikudag frá klukkan 18:15 og til ca.21:00 verður þjálfari til viðtals á Ásvöllum fyrir leikmenn og forráðamenn. Hugmyndin er að leikmenn ásamt forráðamanni fái tækifæri til að ræða einslega við þjálfara um tímabilið sem nú er nýliðið og væntingar til næsta tímabils. Hvert viðtal mun vara í ca. 15 mínútur. Ef mjög margir hafa áhuga á svona viðtali munum við bæta við öðrum viðtalsdegi :)  Best er að senda mér póst á [e-mail] og panta viðtal, ég sendi til baka nánari tímasetningu.

Uppskeruhátíð verður auglýst fljótlega

Nýir æfingatímar verða svona:

4.flokkur: mánudagar, miðvikudagar og föstudagar 17-18:15 og sunnudagar 12 eða 13. Styrktaræfing bætist við hjá eldra ári 4.flokks á einhverjum tímapunkti. 

3.flokkur: mánudagar 17-18:15, miðvikudagar 17:45 styrktaræfing og 19:30 fótboltaæfing, föstudagar 17-18:15 og sunnudagar 12 eða 13. Flokkaskipti í þessum flokkum verða eftir uppskeruhátíðina og þá tekur við ný æfingatafla (nýtum ekki alla æfingatíma í september).

kveðja,

þjálfarar.                  

Fjáröflun - andlitsmálun

Sæl öll

Nú er komið að þriðju andlitsmálningunni. Landsleikur við Albaníu kl. 19:00, þriðjudaginn 10. september. Mæting kl. 18:00 á Laugardagsvöll.

 

Skráning í andlitsmálninguna rennur út á föstudaginn (skrá hér eða svara tölvupósti frá foreldraráði) 

 

Foreldrar með stúlkum

Ef foreldrar komast ekki með sínum stúlkum þá geta aðrir foreldrar hlaupið í skarðið. Hvert foreldri getur þó aðeins borið ábyrgð á einni annari stelpu og svo sinni eigin.

Kveðja,

foreldraráð

 

Aefingar i vikunni

Manudagur kl. 17 og midv.dagur kl. 18.15

Fimmtudagur - horfum á leikinn í stað æfingar

Hæ stelpur. 

Það er stórleikur hjá mfl. karla gegn Leikni á fimmtudaginn kl. 19:15 á Ásvöllum. Þeir eru í bullandi séns á að komast upp í efstu deild og þurfa á stuðningi að halda. Ég var þess vegna að pæla hvort við færum ekki bara saman á leikinn í stað þess að hafa æfingu. Það verða seldir hamborgarar á góðu verði fyrir leik. Endilega takið mömmu og pabba og alla með :)

Helga.